ਸੋਚਿਆ ਸੀ ਮੈਂ ਵੀ
ਤੇਰੇ ਹੁਸਨ ਦਾ ਗੀਤ ਲਿਖਾਂ|
ਗੋਰੇ ਰੰਗ,ਤੀਖੇ ਨੱਕ ਤੇ
ਲੱਕ ਪਤਲੇ ਦੀ ਤਾਰੀਫ ਲਿਖਾਂ|
ਪਰ ਉਸ ਤੋਂ ਪਹਿਲਾਂ ਕਿਉਂ ਨਾਂ
ਤੇਰੇ ਦਿਲ ਦੀ ਹਰ ਇਕ ਚੀਸ ਲਿਖਾਂ|

ਬਾਜਾਂ ਚ ਘਿਰੀ ਕੂੰਜ ਦੀ
ਖੁੱਲੀ ਹਵਾ ਚ ਉਡਣ ਦੀ ਰੀਝ ਲਿਖਾਂ|
ਕਰੇਂ ਸਭ ਮਨਭਾਉਂਦਾ
ਕੁਝ ਏਸੀ ਤਜ਼ਵੀਜ਼ ਲਿਖਾਂ|
ਭਰ ਦੇਵੇ ਨਾਲ ਹੌਂਸਲੇ ਜੋ
ਤੇਰੇ ਹੱਕ ਚ ਹਰ ਉਹ ਚੀਜ਼ ਲਿਖਾਂ|

ਵਿਗੜੇ ਨਾਂ ਅਕਸ ਤੇਰਾ
ਕੋਈ ਏਸਾ ਦਸਤੂਰ ਲਿਖਾਂ|
ਬਾਹਰਲੀ ਦਿੱਖ ਨੂੰ ਛੱਡ
ਤੇਰੇ ਅੰਦਰ ਦਗਦਾ ਨੂਰ ਲਿਖਾਂ|
ਆਵੇ ਤੇਰੇ ਚ ਏਨੀ ਤਾਕਤ
ਕਦੇ ਨਾਂ ਤੈਨੂੰ ਮਜ਼ਬੂਰ ਲਿਖਾਂ|

ਵਾਂਗ ਵਸਤੂ ਸਮਝਣ ਜਿਹੜੇ
ਉਹਨਾਂ ਦੇ ਮੂੰਹ ਫਿਟਕਾਰ ਲਿਖਾਂ|
ਮਰਦ ਬਰਾਬਰ ਦਰਜਾ ਤੇਰਾ
ਇਕ ਨਹੀਂ ਸੋ ਵਾਰ ਲਿਖਾਂ|
ਸਦਾ ਕਰਾਂਗਾਂ ਤੇਰੀ ਇੱਜ਼ਤ
ਮੈਂ ਆਪਣਾ ਇਹ ਇਕਰਾਰ ਲਿਖਾਂ|
ਪੰਜਾਬੀ powered by Lipikaar